:: മന്ദാരം ::

This site is composed with unicode characters - primarily Malayalam. You need to install unicode character font in the system for reading the page. http://vfaq.blogspot.com/2005/04/essentials-on-using-malayalam-unicode.html

Tuesday, January 29, 2008

::സ്നേഹത്തെ പറ്റി ലേശം ::

സ്നേഹം എന്നത് ഒരു സാധനം അല്ല ..
സ്നേഹം എന്നത് കൊടുക്കാനോ വാങ്ങാനോ കഴിയില്ല ..
സ്നേഹം എന്നത് ഉണ്ടാക്കാന്‍ കഴിയുന്ന ഒന്നല്ല..
സ്നേഹം എന്നത് ‘ചെയ്യാന്‍’ കഴിയുന്ന ഒന്നല്ല..
സ്നേഹം എന്നത് ‘ചെയ്യാതിരിക്കാന്‍‘ കഴിയുന്ന ഒന്നല്ല..
സ്നേഹം എന്നത് കേന്ദ്രീകരിക്കാന്‍ കഴിയുന്ന ഒന്നല്ല..
സ്നേഹം എന്നത് വികേന്ദ്രീകരിക്കാന്‍ കഴിയുന്ന ഒന്നല്ല..
സ്നേഹം എന്നത് ശാശ്വതമായ ഒന്നല്ല ..
സ്നേഹം എന്നത് നൈമിഷികമായ ഒന്നല്ല..
സ്നേഹം എന്നത് ആവിഷ്കരിക്കാന്‍ കഴിയുന്ന ഒന്നല്ല..
...
എന്നാല്‍ ഇതെല്ലാമാണ് ..
സ്നേഹം എന്നത് ഒരു അവസ്ഥയാണ് ..
നൈമിഷികവും ശശ്വതവുമായ അവസ്ഥ ..
...
ഇതൊക്കെ എന്തിനാ ഇപ്പൊ പറഞ്ഞത് ..
.. ചുമ്മാ ..

Friday, October 12, 2007

:: മരണം -- ആഘോഷം ::

സുകൃതം എന്ന സിനിമ കണ്ടിട്ടൊരു പാട് നാളായെങ്കിലും, ഇന്നും ഓരോ സംഭവംഗള്‍ കാണുമ്പോള്‍ സുകൃതം വീണ്ടും വീണ്ടും കയറി ആക്രമിച്ച് കൊണ്ടിരിക്കും .. വിജയന്‍ മാഷ് വയസ്സാവുന്തോറും മനസ്സിന്റെ പിന്നാമ്പുറത്ത് മാതൃഭൂമി അതിനെ എങ്ങനെയാണ് ആഘോഷിക്കാന്‍ പോകുന്നത് എന്ന ആധിയായിരുന്നു .. പുതിയ ലക്കാം മാതൃഭൂമി ആഴ്ചപ്പതിപ്പ് അതിനുള്ള ഉത്തരം തന്ന് കഴിഞ്ഞു .. “ഓരോ പേജിലും വിജയന്‍” .. “ആദ്യം മുതല്‍ അവസാനം വരെ വിജയന്‍” എന്നൊക്കെയായിരുന്നു അവരുടെ പരസ്യം ... എന്തൊരു സ്നേഹം .. എന്തൊരു വല്ലാത്ത ഇടതു പക്ഷം .. അമൃതാനന്ദമയിയെ കൊണ്ട് നടന്ന് മലയാളിക്ക് അമൃതധാര പകര്‍ന്ന് നല്‍കുന്നവര്‍ ആണ് വിജയന്‍ മാഷ് ലോകം കണ്ട - കേരളം കണ്ട ഏറ്റവും വലിയ ദാര്‍ശനികന്‍ എന്ന് പറയുന്നത് .. അമൃതാനന്ദമയിയുടെ തെറ്റും ശരിയുമല്ല ഞാന്‍ പറയുന്നത് .. മാതൃഭൂമിക്ക് നല്ല മൈലേജ് ആണ് അമൃതാ‍നന്ദമയി നല്‍കുന്നത് എന്നത് അവരുടെ വളരെ ലളിതമായ ബിസിനസ് ലോജിക് മാത്രമാണ് .. ഇന്ന് ‘ആത്മീയതയും’ മാധ്യമലോകവും പരസ്പരം പുറം ചൊറിഞ്ഞ് സഹായിച്ച് വളരുകയ്യാണ് .. അപ്പൊള്‍ അങ്ങനെയുള്ള ഒരു പത്രം വിജയന്‍ മാഷിനെ പൊക്കി നടക്കുന്നതിലെ വൈരുധ്യം ഒരു തമാശകൂടിയാണ് ..

Friday, August 03, 2007

:: അഴ()കിയ വാര്‍ത്തകള്‍ ::

ലയാളിക്ക്‌ ഇത്രയൊക്കെയേ വേണ്ടൂ എന്ന് എല്ലാവര്‍ക്കും മനസ്സിലായത്‌ കൊണ്ടാണ്‌ കേരളം എന്നത്‌ ഇന്നും പൊയ്കുതിര പോലെ നിന്നിടത്തു നിന്നും "ഓടി" കിതച്ചു കൊണ്ടിരിക്കുന്നത്‌.. ആ കുതിരപ്പുറത്തിരിക്കുന്ന കേരളീയന്‍ ഒരു പ്രത്യേക ലഹരിയില്‍ അങ്ങനെ ആറാടി ഇരിക്കുകയുമാണ്‌ .. മലയാളിയുടെ 'അഭിമാനമായ' മാധ്യമങ്ങളുടെ പ്രകടനം കാണുമ്പോള്‍ തോന്നുന്നതാണിത്‌ .. അതില്‍ മാതൃഭൂമിയോ, മനോരമയോ ദേശാഭിമാനിയോ ദീപികയോ .. ഒന്നും മെച്ചമല്ല .. ദൃശ്യമാധ്യമങ്ങള്‍ ഇന്ന് എല്ലാ സീമകളെയും ലംഘിച്ച്‌ .. ഞാനാണ്‌ കൂടുതല്‍ കോമാളി ..ഞാനാണ്‌ കൂടുതല്‍ മണ്ടന്‍ .. എന്നൊക്കെ തെളിയിക്കാന്‍ പാടു പെടുകയാണ്‌ .. ഇന്നലെയും മിനിഞ്ഞാന്നും ആയി കൈരളി TV പ്രക്ഷേപണം ചെയ്ത ഫാരിസ്‌ ഇന്റര്‍വ്യൂ - വേറിട്ട ചാനലിനും വേറിട്ടൊന്നും പറയാനില്ല എന്ന് മാത്രമല്ല എല്ലവരും പറയുന്നത്‌ ഒന്നു കൂടെ എണ്ണയിട്ട്‌ പറയുന്നതാണ്‌ നമുക്ക്‌ പഥ്യം എന്ന് ബോധ്യമായി .. ഒപ്പം ജോണ്‍ ബ്രിട്ടാസ്‌ എന്ന "യുവ മാധ്യമ സാരഥി"യുടെ ദയനീയമായ പരാജയവും കാണാനായി .. ഇന്റര്‍വ്യൂ മൊത്തം ഒരു മുന്‍കൂട്ടി തയാറാക്കിയ ഒരു തിരക്കഥയില്‍ ഉണ്ടാക്കിയതായിരുന്നെങ്കിലും, ബ്രിട്ടാസിന്റെ ഓരോ മണ്ടന്‍ ചോദ്യങ്ങളൊക്കെ കേള്‍ക്കുമ്പോള്‍ ഫാരിസിനു പോലും ചിരിയും കരച്ചിലും ഒക്കെ വരുന്നുണ്ടായിരുന്നു .. "എത്ര കോടി കൈയിലുണ്ട്‌ .. എത്ര കോടി നികുതി അടക്കുന്നുണ്ട്‌ .. അത്ര കോടി സക്കാത്ത്‌ കൊടുത്തു ... എത്ര ഭൂമി കച്ചവടം ചെയ്തു .... കേരളത്തില്‍ എത്ര കോടി ഇന്‍വെസ്റ്റ്‌ ചെയ്യും .. " എന്നൊക്കെയുള്ള "പണം" "പണം" എന്ന ഫണത്തിന്‌ എത്ര ഉയരമുണ്ട്‌ എന്ന് മാത്രമേ ബ്രിട്ടാസിന്‌ ഫാരിസില്‍ നിന്നും അറിയേണ്ടതുള്ളൂ എന്ന് തോന്നും ഇന്റര്‍വ്യൂ കേട്ടാല്‍ ... ഇന്റര്‍വ്യൂ കഴിഞ്ഞ്‌ അദ്ദേഹം പറഞ്ഞത്‌ "ഈ വിവാദം ഇനി ഏത്‌ ദിശകളിലേക്ക്‌ പോകുമെന്ന് നമുക്ക്‌ നോക്കിയിരുന്ന് കാണാം" എന്നാണ്‌ .. വിവാദം ഉണ്ടാക്കുക ആണ്‌ മാധ്യമങ്ങളുടെ കടമ എന്ന് ബ്രിട്ടാസും മനസ്സിലാക്കിയ പോലെ .. ഫാരിസ്‌ പറഞ്ഞ ഒരു സംഗതിയുണ്ട്‌ .. "പണിയെടുക്കാതെ വാര്‍ത്തകള്‍ ഉണ്ടാക്കണം എന്ന് കരുതുന്നവര്‍ ആണ്‌ ഡെസ്കില്‍ ഇരുന്ന് വിവാദങ്ങള്‍ ഉണ്ടാക്കുന്നത്‌" എന്ന് .. അതാണ്‌ ഇന്ന് എല്ലാ മാധ്യമങ്ങളിലും നടക്കുന്നത്‌ .. മാധ്യമങ്ങള്‍ അവര്‍ക്ക്‌ വേണ്ടി പണം മുടക്കിയവരെ തിരിച്ച്‌ സഹായിക്കാന്‍ തുടങ്ങിയിരിക്കുന്നു ... അങ്ങനെയാണ്‌ ഫാരിസും അബ്ദുള്‍ വഹാബും ഒക്കെ രക്ഷക രൂപത്തില്‍ പ്രത്യക്ഷപ്പെടുന്നത്‌ .. ദീപിക പത്രം തകര്‍ന്നു എന്ന് വന്നപ്പോഴാണ്‌ ഞാന്‍ പണം കൊടുത്ത്‌ അതിനെ പുനരുജ്ജീവിപ്പിച്ചത്‌ .. P T ഉഷ സ്കൂളിന്‌ 'പരസ്യം വേണ്ടാ' എന്ന് പറഞ്ഞ്‌ ഞാന്‍ പണം കൊടുത്ത്‌ സഹായിച്ചിട്ടുണ്ട്‌ .. എന്നൊക്കെ പറയാന്‍ ഫാരിസിന്‌ ഒരു നല്ല മീഡിയ കിട്ടി എന്നതില്‍ പരം ഇതിന്റെ പ്രസക്തി എന്താണെന്ന് മനസ്സിലാകുന്നില്ല ... കേരളത്തിലെ പൊതു ബോധം ഇന്ന് അങ്ങീകരിച്ചിരിക്കുന്ന ഒരു സംഗതിയാണ്‌, ഇത്തരത്തിലെ പ്രഭുക്കന്മാര്‍ക്ക്‌ മാത്രമേ ഇനി നാടിനെ രക്ഷിക്കാന്‍ സാധിക്കുകയുള്ളൂ എന്നത്‌ .. അവര്‍ വച്ചു നീട്ടുന്ന സംഭാവനകള്‍ മാത്രമേ ഇനി വികസനത്തിന്‌ ലഭിക്കുകയുള്ളൂ .. കൈരളി TV എന്ന ചാനലിനെ ഉണ്ടാക്കുമ്പോള്‍ ധന സമാഹരണത്തിന്റെ സമയത്ത്‌, അത്‌ ഭസ്മാസുരന്‌ വരം കൊടുക്കുന്നത്‌ പോലെ ആകും എന്ന് പറഞ്ഞിരുന്നവര്‍ ഉണ്ടായിരുന്നു .. അത്‌ പാര്‍ട്ടിയെ സ്നേഹിക്കുന്നവരോ അല്ലാത്തവരോ ആരോ ആയിക്കോട്ടെ .. ഇന്ന് കൈരളിയുടെ പോക്ക്‌ അങ്ങനെയാണ്‌ ... അരാഷ്ട്രീയവാദത്തിന്റെ വക്താവായി കൈരളിയും ഇന്ന് മാറിയിരിക്കുന്നു .. പിന്നെ വല്ലപ്പോഴും പൊട്ടും പൊടിയുമായി non prime time'ല്‍ വല്ല രാഷ്ട്രീയ ചര്‍ച്ചകള്‍ ഒക്കെ വന്നാലായി ഇല്ലെങ്കിലായി .. മലയാളിക്ക്‌ ഇതൊക്കെ മതി അല്ലെങ്കില്‍ ഇതൊക്കെയാണ്‌ വേണ്ടത്‌ എന്നതായിരിക്കും അവരുടെ തിരിച്ചറിവ്‌ ... ഇന്നത്തെ പത്രങ്ങളില്‍ ബ്രിട്ടാസിന്റെതായി ഒരു പ്രസ്താവന വന്നു .. "ഞാന്‍ മാധ്യമ ധര്‍മ്മം നിര്‍വഹിക്കുക മാത്രമാണ്‌ ചെയ്തത്‌" .. എന്തൊരു മഹത്തായ മാധ്യമ ധര്‍മ്മം .. അത്‌ പറയുമ്പോള്‍ എന്താണ്‌ താന്‍ മനസ്സിലാക്കിയിരിക്കുന്ന മാധ്യമ ധര്‍മ്മം എന്ന് കൂടി ബ്രിട്ടാസ്‌ ഒന്ന് പറയുന്നത്‌ .. ഹുണ്ടിക പിരിവ്‌ നടത്തി ചാനലിനെ പിടിച്ച്‌ നിര്‍ത്തുന്നവര്‍ക്ക്‌ കൂടി മനസ്സിലാകുമായിരുന്നു കാര്യങ്ങള്‍ ...

ചരിത്രത്തിന്‌ ഒരു തിരിച്ച്‌ പോക്ക്‌ ഇല്ല എന്ന് പണ്ട്‌ ആരോ പറയാരുണ്ട്‌ .. സാമൂഹിക മുന്നേറ്റത്തില്‍ ഒരു stage'ല്‍ നിന്നും പഴയ stage ലേക്ക്‌ പോകുമ്പോള്‍, അത്‌ രൂക്ഷമായ പ്രശ്നങ്ങള്‍ സമൂഹത്തില്‍ ഉണ്ടാക്കുന്നു എന്നതും ഒരു യാഥാര്‍ഥ്യമാണ്‌ .. കേരളം ഇന്ന് പ്രഭുക്കന്മാരുടെയും, അനാചാരങ്ങളുടെയും പിടിയിലേക്ക്‌ നീങ്ങിക്കൊണ്ടിരിക്കുകയാണ്‌ .. ഇടതു പക്ഷ ബോധം നഷ്ടമായിക്കൊണ്ടിരിക്കുന്ന കാമ്പസുകളാണ്‌ കേരളത്തിലിന്ന് .. മാധ്യമങ്ങള്‍ - ഇടത്‌ വലതു ഭേദമില്ലാതെ - ഈ പ്രക്രിയ പൂര്‍ത്തിയാക്കി കൊണ്ടിരിക്കുകയാണ്‌ ..

Sunday, April 22, 2007

::സഹതപിക്കാനേ നമുക്ക്‌ കഴിയൂ ::

മേരികയില്‍ നടക്കുന്ന ഓരോ കാര്യങ്ങളും ലോകം മൊത്തം തങ്ങളുടെ സ്വന്തം കാര്യം പോലെ കൊണ്ടു കാണുന്നുണ്ട്‌ ഇന്ന്. വെര്‍ജീനിയയില്‍ വെടിവെപ്പ്‌ നടന്നപ്പോഴും, ലോകം മൊത്തം അങ്ങനെ ഒരു വികാരം ഉണ്ടായി. നല്ലത്‌ തന്നെ, എന്നാല്‍ ഇറാക്കിലെ കൂട്ടക്കൊലകള്‍ വെറും filler വാര്‍ത്തകള്‍ ആകുകയും, വെര്‍ജീനിയ വാര്‍ത്തകള്‍ സ്വന്തം വീട്ടുകാര്യം ആകുകയും ചെയ്യുന്നതില്‍ ആണ്‌ പൊളിറ്റിക്സ്‌ ഉള്ളത്‌. ആ കാര്യത്തില്‍ ലോകത്തിലെ മിക്ക mainstream മാധ്യമങ്ങളും ഒരു പോലെയാണ്‌ ..

ഈ സംഭവം നടക്കുമ്പോള്‍, അമേരിക്കയിലെ മാധ്യമങ്ങള്‍ കാണിച്ച news coverage'ലെ profesionalism ഞാന്‍ ശ്രദ്ധിക്കുകയുണ്ടായി. എനിക്ക്‌ തോന്നിയത്‌, വാര്‍ത്ത ഉണ്ടാക്കുന്നതിലും, ഉള്ള കൊച്ചു സംഗതികളെ ഊതിപ്പെരുപ്പിച്ച്‌ യഥാര്‍ത്ഥ സംഗതികളില്‍ നിന്നും ജനശ്രദ്ധ മാറ്റാനും - നമ്മുടെ സൂര്യ TV യെക്കാളും ഒക്കെ മിടുക്കന്മാരാണ്‌ CNN ഉള്‍പ്പെടെയുള്ള അമേരിക്കന്‍ ചാനലുകള്‍ എന്ന് -print media കളും വ്യത്യസ്ഥരല്ല. തലേന്ന് വരെ അന്ന നിക്കോളിന്റെ കിടപ്പറ രഹസ്യങ്ങളെ കാമുകന്മാര്‍ എന്ന് സ്വയം വിശേഷിപ്പിച്ച്‌ മുന്നോട്ട്‌ വന്നവരുടെ വാദങ്ങളെ 'Experts' നെ വച്ച്‌ തലനാരിഴ കീറി വിശകലനം ചെയ്തു കൊണ്ടിരുന്ന ഈ മാധ്യമങ്ങള്‍ക്ക്‌, ഇതൊരു ഓര്‍ക്കാപ്പുറത്ത്‌ കിട്ടിയ പിടിവള്ളി പോലെയായിരുന്നു എന്ന് വേണം പറയാന്‍. അമേരിക്കന്‍ സമൂഹം തന്നെ സൃഷ്ടിച്ച ഒരു സംഭവമായിരുന്നു സൊങ്ന്‍ഘുയി ഷോ ( അങ്ങനെയാണ്‌ തോക്ക്‌ ഉപയോഗിച്ച വ്യക്തിയുടെ പേര്‌ എന്ന് തോന്നുന്നു ഇവിടെ ). എന്ത്‌ പറയുമ്പോഴും സ്വാതന്ത്ര്യത്തിന്റെ മകുടൊദാഹരണം എന്നും, land of opportunity എന്നും ഒക്കെ വായ്ത്താരി മുഴക്കുന്ന സമൂഹം ഇന്ന് വലിയൊരു പ്രതിസന്ധിയില്‍ എത്തി നില്‍ക്കുമ്പോഴാണ്‌ - ഈ പറഞ്ഞ മുദ്രാവാക്യങ്ങള്‍ ഒക്കെ ആര്‌, എന്തിന്‌, എപ്പോള്‍ ഉണ്ടാക്കി - ഉപയോഗിക്കുന്നു എന്ന് ചിന്തിക്കേണ്ടി വരുന്നത്‌. ഭയവിഹ്വലമായ സമൂഹത്തില്‍ സ്വാതന്ത്ര്യം ഉണ്ടെന്ന് പറയാന്‍ കഴിയില്ല .. അമേരിക്ക ഇന്ന് ഭയവിഹ്വലമായ ഒരു കൂട്ടക്കാരുടെ ഒരു ആള്‍ക്കൂട്ടമായിരിക്കുന്നു എന്ന് പറയുന്നതില്‍ തെറ്റില്ല. അത്‌ റോഡിലും, ഓഫീസിലും, നഗരത്തിലും, പള്ളിക്കൂടങ്ങളിലും വരെ അത്‌ തന്നെയാണ്‌ അവസ്ഥ. ആര്‍ക്കും തോക്ക്‌ വാങ്ങാം ഉപയോഗിക്കാം എന്ന നിയമം ( കുറ്റവാളികളെയും മനോരോഗികളെയും ഒഴിവാക്കിയിട്ടുണ്ടത്രെ ) - പൗരന്റെ സുരക്ഷ സ്വയം ഏറ്റെടുത്തൊളണം എന്ന രാഷ്ട്രത്തിന്റെ കൈ കഴുകലായിട്ടാണ്‌ എനിക്ക്‌ തോന്നുന്നത്‌. ഭയപ്പാടില്ലാതെ ജീവിക്കാനുള്ള പൗരന്റെ അവകാശത്തെ സ്റ്റേറ്റ്‌ തന്നെ നിഷേധിക്കുന്ന സംഗതിയാണിത്‌. ആര്‍ക്കും ആരെയും വിശ്വാസമില്ലാത്ത്‌ സമൂഹത്തില്‍ - എല്ലാവര്‍ക്കും വിശ്വാസമുള്ളത്‌ ഡോളര്‍ ദൈവത്തെ മാത്രം. പൈസക്ക്‌ ഈ ലോകത്ത്‌ ഒരു പ്രശ്നത്തെയും പരിഹരിക്കാന്‍ കഴിയില്ല എന്ന് ഇനിയും മനസിലാക്കിയിട്ടില്ലാത്ത ഒരു ജനവിഭാഗം ഒരു പക്ഷെ, അമേരിക്കന്‍ ജനത ആയിരിക്കും. അല്ലെങ്കില്‍ പൈസ കൊണ്ട്‌ എന്തും നേടാന്‍ കഴിയും എന്ന് വിശ്വസിക്കുന്ന ഒരു ജനത അമേരിക്കന്‍ ആയിരിക്കും. അത്‌ അങ്ങനെ ആക്കിത്തീര്‍ത്തതാണെന്നും പറയാം. അങ്ങനെയായാലേ, പൗരന്‍ മറ്റൊന്നിനെ കുറിച്ചും ആലോചിക്കാതെ അനുസരണയോടെ നടക്കൂ.. വഴി പോലും ആരോടും ചോദിക്കേണ്ടാത്ത രീതിയില്‍ എല്ലാവരെയും indipendand ആക്കി മാറ്റിയിരിക്കുന്നു.. തികഞ്ഞ സുഖിയന്മാരുടെ സ്ഥലം.. റോഡിലിറങ്ങിയാല്‍ വാഹനങ്ങള്‍ വഴി മാറി തരും !! സാധനങ്ങള്‍ വിളിച്ച്‌ പറഞ്ഞാല്‍ വീട്ടില്‍ എത്തിച്ച്‌ തരാന്‍ tele-marketing.. എല്ലാം ഒന്നിച്ച്‌ ഒരു കുടക്കീഴില്‍ കിട്ടാന്‍ എന്തിനും തയാറായി WalMart. അന്തമില്ലാതെ എന്ന മട്ടില്‍ ഒഴുക്കി കത്തിച്ചു കളയാന്‍ ഭൂമിയിലെ എല്ലാ ഇന്ധനങ്ങളും കവര്‍ന്ന് എത്തിച്ചിരിക്കുന്നു .. ഇങ്ങനെയൊക്കെ ജീവിച്ച്‌ സുഖിച്ച്‌ ജീവിച്ച്‌ പഠിച്ചിരിക്കുന്നു ഒരു average american. ഇനി അതില്‍ നിന്നും ഒരു തിരിച്ച്‌ പോക്ക്‌ അവന്‌ സാധ്യമല്ല. ഒരു രാഷ്ട്രീയക്കാരനും ഈ ജീവിത രീതിയില്‍ നിന്നും മാറിയ ഒരു മുദ്രാവാക്യം മുന്നോട്ട്‌ വച്ച്‌ തിരഞ്ഞെടുപ്പില്‍ മല്‍സരിക്കാന്‍ കഴിയില്ല... ഇന്‍ഷുറന്‍സ്‌ കമ്പനികള്‍ എല്ലവരെയും insure ചെയ്തു കഴിഞ്ഞപ്പോള്‍ ഇല്ലാതായി പോയത്‌ സാമൂഹ്യ ഇന്‍ഷുറന്‍സ്‌ എന്ന വളരെ essential ആയ ഒരു സംഗതിയാണ്‌.

ഇങ്ങനെ വ്യക്തികള്‍ ഓരോ ദിവസം കഴിയുമ്പോഴും, സ്വതന്ത്രമായി സ്വാശ്രയമായി മാറിക്കൊണ്ടിരിക്കുമ്പോള്‍, അകമേ സംഭവിക്കുന്നത്‌ - എനിക്ക്‌ തോന്നുന്നു എടുത്താല്‍ പൊന്താത്ത സംഘര്‍ഷങ്ങളാണ്‌ ഓരോ വ്യക്തിക്കും ഇന്ന്. ഓരോ വ്യക്തിക്കും തന്റെ കാര്യങ്ങള്‍ സ്വയമേവ ചെയ്ത്‌ survival of the fittest എന്ന മുദ്രാവാക്യത്തെ സ്വയം ന്യായീകരിക്കാന്‍ ശ്രമിച്ചു കൊണ്ടേയിരിക്കുന്നു ഇന്ന്. ചിലര്‍ പറയും - "അവര്‍ integrity യുടെ കാര്യത്തില്‍ കേമന്മാരാണെന്ന് .. ഇത്രയൊക്കെ സൗകര്യങ്ങള്‍ ചെയ്ത്‌ കിട്ടിയ ഒരു സമൂഹത്തില്‍ ഇത്രയെങ്കിലും കാണിച്ചില്ലെങ്കില്‍ ആ സമൂഹം ഒന്നിനും കൊള്ളില്ലാത്ത ഒരു species ആണെന്നേ പറയാനാവൂ .. gun control വളരെ അത്യാവശ്യമായി ചെയ്യേണ്ടുന്ന ഒരു സംഗതിയാണ്‌ എന്ന് ഒരു വാദം ഉയര്‍ന്ന് വരുന്നു ഈ ബഹളത്തിനിടെ .. എന്നാല്‍ ഇതില്‍ ആര്‍ക്കും ഒന്നും ചെയ്യാന്‍ കഴിയില്ല .. armory lobby അത്രയേറെ ശക്തമാണ്‌ .. ഇത്‌ പോലെ തന്നെ ആര്‍ക്കും ഒന്നും ചെയ്യാന്‍ കഴിയാത്ത ധാരാളം നീരാളിപിടുത്തങ്ങള്‍ ഇനിയും ഉണ്ട്‌. ഇവയുമായി ഒക്കെ സമരസപ്പെട്ട്‌ കഴിഞ്ഞു പോകാനേ ഇനി കഴിയൂ.. അതിനിടെ വെര്‍ജീനിയ സംഭവങ്ങള്‍ ഒക്കെ അനിവാര്യമായി സംഭവിക്കുന്നു .. അതിന്‌ ഇനി ആരോടാ യുദ്ധത്തിന്‌ പോകുക !!! അല്ലെങ്കിലും യുദ്ധത്തിന്‌ പോകാന്‍ പ്രത്യേകിച്ച്‌ കാരണം ഒന്നും പ്രത്യക്ഷത്തില്‍ വേണ്ടല്ലോ അമേരിക്കക്ക്‌ - attack enemy before they attack us എന്ന് ചിന്തിക്കുന്നതിന്റെ മനശാസ്ത്രം ഭയമ അല്ലാതെ മറ്റൊന്നല്ല .. അമേരിക്ക ഇന്ന് ഭയക്കുന്നു ലോകത്തെ ... യുദ്ധം ചെയ്ത്‌ കോട്ടകള്‍ വെട്ടിപ്പിടിച്ചവന്‍ സ്വയം കോട്ടയില്‍ അകപ്പെട്ടിരിക്കുന്നു.. വെര്‍ജീനിയയില്‍ മക്കള്‍ നഷ്ടപ്പെട്ട അച്ഛനമ്മമാര്‍ ആരോടാ പരാതി പരാതി പറയുക .. വിധി എന്ന ഒന്നില്‍ അവര്‍ വിശ്വസിക്കുന്നുണ്ടെങ്കില്‍ അതെങ്കിലും ആശ്വാസമുണ്ടായിരുന്നു ..

വെര്‍ജീനിയയില്‍ സ്വന്തക്കാരും കൂട്ടുകാരും സഹപാഠികളും നഷ്ടപ്പെട്ടവര്‍ക്ക്‌ ആയി സഹതപിക്കാനേ നമുക്ക്‌ കഴിയൂ ...

Monday, March 26, 2007

::കാഴ്ചകള്‍ ::

ഇത്തവണത്തെ വിദേശ യാത്ര എന്തെങ്കിലും വേറിട്ട്‌ ചെയ്യണം എന്ന് ഒരാഗ്രഹം ഉണ്ടായിരുന്നു .. അങ്ങനെ കാഴ്ചകളെ കാമറയിലാക്കുന്നതിന്‌ പകരം പടം വരച്ചാലോ എന്ന് കരുതി .... അങ്ങനെ ഒരു കൊച്ചു ശ്രമം തുടങ്ങി‌ .. തുടങ്ങിയിട്ടേയുള്ളൂ ..!!!! ഒന്നു രണ്ടു ആഴ്ചകള്‍ കൂടി കഴിയുമ്പോള്‍ beta തയ്യാറാവും !!!

ഒരു കൊച്ചു video ഉണ്ട്‌ അതിവിടെ ഇടുന്നു ... Sanfrancisco'l വഴിയോരത്ത്‌ തകര/പ്ലാസ്റ്റിക്‌ പാട്ടകള്‍ കൊണ്ടുണ്ടാക്കിയ ഒരു Orchestra setup ആണിത്‌ ..

http://www.youtube.com/watch?v=1fhLl0UsnO0






ചിത്രങ്ങള്‍ പിന്നീട്‌ പോസ്റ്റാം ...